Stawizny Krajnego sejma Bramborska

Pó zasejzjadnośenju Nimskeje a nowozałoženju zwězkowego kraja Bramborska jo Bramborski krajny sejm se zejšeł 26. oktobera 1990 na prědne konstituěrujuce pósejźenje. Pó mjenju njejo to pak był prědny parlament Bramborskeje: Južo krotko pó Drugej swětowej wójnje jo dało wót 1946 – nejpjerwjej w sowjetskej wobsadniskej conje (SBZ), pótom w NDR – wótpowědne ludowe zastupnistwo. Swóje funkcije jo pak toś ten krajny sejm póněcom wótedał centralnemu statoju. 1952 jo se rozwězał.

Wót 1990 jo krajny sejm pśejšeł pśez šesć wólbnych periodow ze se měnjecymi zestajenjami a kněžaŕstwowymi wětšynami:

1. wólbna perioda (1990–1994):
w krajnem sejmje zastupjone frakcije: SPD, CDU, PDS-LL, FDP, BÜNDNIS 90
kněžaŕstwowe strony: SPD, FDP, BÜNDNIS 90
prezident krajnego sejma: dr. Herbert Knoblich (SPD)
ministaŕski prezident: dr. h. c. mult. Manfred Stolpe (SPD)

2. wólbna perioda (1994–1999):
w krajnem sejmje zastupjone frakcije: SPD, CDU, PDS
kněžaŕstwowa strona: SPD
prezident krajnego sejma: dr. Herbert Knoblich (SPD)
ministaŕski prezident: dr. h. c. mult. Manfred Stolpe (SPD)

3. wólbna perioda (1999–2004):
w krajnem sejmje zastupjone frakcije: SPD, CDU, PDS, DVU
kněžaŕstwowej stronje: SPD, CDU
prezident krajnego sejma: dr. Herbert Knoblich (SPD)
ministaŕskej prezidenta: dr. h. c. mult. Manfred Stolpe (SPD 1999–2002), Matthias Platzeck (SPD, 2002–2004)

4. wólbna perioda (2004–2009):
w krajnem sejmje zastupjone frakcije: SPD, PDS, CDU, DVU
kněžaŕstwowej stronje: SPD, CDU
prezident krajnego sejma: Gunter Fritsch (SPD)
ministaŕski prezident: Matthias Platzeck (SPD)

5. wólbna perioda (2009–2014):
w krajnem sejmje zastupjone frakcije: SPD, DIE LINKE, CDU, FDP, BÜNDNIS 90/DIE GRÜNEN
kněžaŕstwowej stronje: SPD, DIE LINKE
prezident krajnego sejma: Gunter Fritsch (SPD)
ministaŕskej prezidenta: Matthias Platzeck (SPD, 2009–2013), dr. Dietmar Woidke (SPD, 2013–2014)

6. wólbna perioda (2014-2019):
w krajnem sejmje zastupjone frakcije: SPD, CDU, DIE LINKE, AFD, BÜNDNIS 90/DIE GRÜNEN a parlamentariska kupka BVB/FREIE WÄHLER (2014–2017)
kněžaŕstwowej stronje: SPD, DIE LINKE
prezidentka krajnego sejma: Britta Stark (SPD)
ministaŕski prezident: dr. Dietmar Woidke (SPD)

7. wólbna perioda (wót 2019):
w krajnem sejmje zastupjone frakcije: SPD, AFD, CDU, BÜNDNIS 90/DIE GRÜNEN, DIE LINKE, BVB/FREIE WÄHLER
kněžaŕstwowe strony: SPD, CDU, BÜNDNIS 90/DIE GRÜNEN
prezidentka krajnego sejma: prof. dr. Ulrike Liedtke
ministaŕski prezident: dr. Dietmar Woidke

Mjazy 1991 a 2013 jo měł krajny sejm swójo sedło w twarjenju něgajšneje šule kadetow na pódstupimskej Piwarnjowej górje. 2005 jo parlament njedosegajuceje funkcionalnosći dla wobzamknuł pśeśěgnjenje do nowego twarjenja w centrumje Pódstupima.